معذوره البنات تريد تبطيله لأن همهن جبير ومحد يشيله
راح احجي واسولف عالحصل والصار مدرساتي رجاءاً لفتن الانضار
ترزلونه عليمن واحنا كلنا كبار ودلوني اليساعد خاطر اشكيله
منعتوا انتو التمكيج ارد اكلكم ليش مو احنا بمدارس مااضنا بجيش
منعتونا انتحنه ولا نحط الميش ومنعتوا انتو البنات اتطلع الكذيله
سجنتونه سجن بس السجن بصفوف علمتوا البنات اعلى الحزن والخوف
لا نطول الاظافر لانحني جفوف حكم طاغي علينا ولازم نزيله
البدي ممنوع كلتوا ورضن النسوان بس زيجن موحد ليش مو الوان
خلونا نتونس ياغرب ياخوان مو باجر عجايز نلبس الشيله
خلصت القصيده وعندي طلب صغير حلم هذا بحياتي وريته كون يصير
ست دروس ذيج دريس منها يطير وهالمطلوب والله الطلبته اهديله